काठमाडौं । नेपाल स्टक एक्सेञ्जमा सुचिकृत बीमा कम्पनीहरु मध्ये ५ वटा बीमा कम्पनीहरुको मात्र बीमा समितिले तोकेको आवश्यक न्युनतम चुक्ता पुँजी पुर्याउन बाँकी छ । यद्यपि बाँकी कम्पनीहरुले समेत बीमा समिति समक्ष चुक्ता पुँजी पुर्याउने कार्ययोजना भने पेश गरिसकेका छन् ।
नेप्सेमा सूचिकृत जीवन बीमा कम्पनीतर्फ अब एउटा मात्रै कम्पनीले दुई अर्ब चुक्ता पुँजि पुर्याउन बाँकी छ । पुँजिको लक्ष्य गुराँस लाईफ इन्स्योरेन्सले सो पुँजीको लक्ष्य हासिल गर्न बाँकी छ । गुराँस लाइफ इन्स्योरेन्सले धितोपत्र बोर्डमा शत प्रतिशत हकप्रद शेयर निस्काशनको लागि आवेदन दिएर प्रक्रिया अघि बढाई सकेको छ । सो हकप्रद पश्चात कम्पनीको पुँजी १ अर्ब ८७ करोड पुग्नेछ । सो हकप्रद पश्चात पनि कम्पनीलाई अझै ७ प्रतिशतले पुँजी अपुग हुन्छ ।
त्यस्तै बीमा समितिले निर्जीवन बीमा कम्पनीहरुलाई एक अर्ब पुँजी हुनुपर्ने न्यूनतम सीमा तोकेकोमा एनएलजी इन्स्योरेन्स, प्रडेन्सियल इन्स्योरेन्स, लुम्बिनी जनरल इन्स्योरेन्स र राष्ट्रिय बीमा कम्पनीले सो पुँजीको लक्ष्य हासिल गर्न बाँकी छ ।
प्रडेन्सियल इन्स्योरेन्स र एनएलजी इन्स्योरेन्सले धितोपत्र बोर्डमा ६० प्रतिशत हकप्रद शेयर निस्काशनको लागि आवेदन दिएका छन् । सो हकप्रद पश्चात कम्पनीको पुँजी १ अर्ब पुग्नेछ । लुम्बिनी जनरल इन्स्योरेन्सले धितोपत्र बोर्डमा २० प्रतिशत हकप्रद शेयर निस्काशनको लागि आवेदन दिएको छ । सो हकप्रद पश्चात कम्पनीको पुँजी १ अर्ब पुग्नेछ । त्यस्तै राष्ट्रीय बीमा कम्पनी लिमिटेडको भने २७५ प्रतिशतले पुँजी वृद्धि गर्न बाँकी छ । कम्पनीको अहिलेको पुँजी २६ करोड ६६ लाख मात्र रहेको छ । पुँजिको आधारमा सबैभन्दा कमजोर संस्था राष्ट्रिय बीमा कम्पनी देखिएको छ । उक्त कम्पनी नेपाल सरकारको लगानी रहेको संस्था हो ।
पुँजी पुग्न बाँकी बीमा कम्पनीहरुको सुची :
नोट : चुक्ता पुँजी गणना गर्दा हकप्रद र बोनस शेयरको बुक क्लोज भएपछि कायम रहेको पुँजीको आधारमा गरिएको
