काठमाडौं । सिद्धार्थ इन्स्योरेन्स लिमिटेडले आव २०७४/०७५ को नाफाबाट आफ्ना शेयरधनीलाई १५ दशमलव ४८४३३ प्रतिशत बोनस वितरण गर्ने निर्णय गरेको छ । कम्पनीको असार १३ गते सम्पन्न साधारण सभाले उक्त बोनस वितरण गर्ने प्रस्ताव पारित गरेको हो ।
कम्पनीले जेठ २९ गतेसम्मका कायम सदस्यहरुलाई उक्त बोनसमा लाग्ने कर बापतको रकम प्रभु बैंक लिमिटेड कमलादीकोे खाता नम्बर १३५००१०००२८४२९००००५४ मा जम्मा गर्न एक सूचना जारी गर्दै अनुरोध गरेको छ ।
साथै, कम्पनीले उक्त बोनस शेयर नेपाल स्टक एक्सचेञ्ज र सिडिएस एण्ड क्लियरिङ्गमा सूचिकरण भएपछि शेयरधनीहरुको हितग्राही खातामा जम्मा गर्ने शेयर अभौतिकीकरण गराएपछि मात्र बोनस खातामा पठाउने जानकारी गराएको छ ।
कम्पनीको शेयर रजिष्ट्रार एनएमबि क्यापिटल लिमिटेड रहेको छ ।
