काठमाण्डौं । अनलाईन सपिङ दराजले नेपालीहरुको राष्ट्रिय पर्व दशैंको अवसरमा दराज दशैं धमाका सार्वजनिक गरेको छ । आज भदौं २९ गतेदेखि सुरु हुने दशैं धमाका असोज १३ गतेसम्म जारी रहने कम्पनीले जनाएको छ ।
दशैंको अवसर पारेर दराजले शेक शेक गेम फेरी यस अभियानमा लिएर आएको छ । शेक शेक गेम अन्तर्गत आकर्षक भाउचरहरु जित्न उपभोक्ताहरुले २८–३० भदौ र ३–५ असोज को बीच हरेक दिन तोकिएको समय (शेक शेक गेम सेशन) भित्र दराज एप खोली आफ्नो मोबाइल फोन हल्लाउने खेल हो । यस गेममा मोबाईल हल्लाएर आकर्षक उपहार जित्न सकिने कम्पनीले जनाएको छ ।
यस अभियान अन्तर्गत उपभोक्ताहरुले ६०% सम्मको छूट भएको मेगा डिल्स्, दशैं दक्षिणा डिस्काउन्ट भौचर, मिस्ट्री बक्स्, कलेक्टिबल भाउचरहरु, गेम जोन, तथा अन्य धेरै आकर्षणहरुको लाभ उठाउन सक्ने कम्पनीले जनाएको छ ।
दशैं को उपलक्षमा दराज ले महा बम्पर उपहार पनि लिएर आएको छ । लक्की ड्र मार्फत एक भाग्यशाली उपभोक्ताले टिभिएस अपाचे आरटिआर १६० सिसी को मोटरसाईकल जित्नेछन् । यसको लागि असोज १३ भित्रै दराजमा शपिङ गर्नुपर्ने कम्पनीले जनाएको छ ।
यसैबीच, दराजले बीमा नगरी सामान डेलीभरि गर्ने गरेको पत्ता लागेको छ । दराजले विभिन्न कम्पनीहरुको सामान अर्डर अनुसार ग्राहकको घरघरमा पुर्याउने काम गर्दछ । बीमा नगरिएको कारण डेलिभरीको समयमा क्षति भएमा कसले व्यहोर्ने भन्ने कानुनी समस्या आउने देखिएको छ । सो सम्बन्धमा सम्पर्क गर्दा दराजका अधिकारीहरु सम्पर्कमा आउन चाहेनन् ।
