काठमाडौं । गत साता सिंगापुरमा उपचार गराएर फर्केका प्रधानमन्त्री केपी शर्मा ओलीको मुटुमा राखिएको क्याथेटर निकाल्न बुधबार विहान त्रिवि शिक्षण अस्पतालमा माईनर अप्रेशन गरिएको छ ।
मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा क्याथेटर निकाल्न खुट्टाको नशामा माईनर अप्रेशन गरिएको जनाइएको छ । अप्रेसशन गरेको स्थानमा सानो घाऊ मात्रै हुन्छ । वरिष्ठ मुटुरोग विशेषज्ञ डा. अरुण सायमी नेतृत्वको टोलीले सिंगापुरमा प्लाज्मा फेरोसिस गर्दा प्रधानमन्त्रीको मुटुमा राखिएको क्याथेटर यही निकालिएको हो । उनले कुनै उपचारको लागि अप्रेशन गरेको नभई उता जडान गरिएको डिभाईस निकालेको बताएका छन् ।
प्रधानमन्त्री ओली स्वस्थ्य छन् । आजै बालुवाटारस्थित प्रधानमन्त्री निवासमा पार्टी सचिवालयको बैठक बोलाइएको छ । करिब १५ मिनेटमा क्याथेटर निकाल्ने काम सम्पन्न भएको र सो लगत्तै प्रधानमन्त्री ओली निवास फर्किसकेका छन् ।
