काठमाडौं । एनएमबि बैंक र जापान र दाइ–इची कङ्ग्यो क्रेडिट कोअपरेटिभ (डीकेसी)बीच सम्झौता भएको छ । बैंकले नेपालमा रहने नेपाली समुदायको बैंकिङ आवश्यकतालाई सहजीकरण गर्ने उद्देश्यले उक्त जापनीज संस्थासँग सम्झौता गरेको हो ।
सम्झौतापत्रमा बैंकको तर्फबाट बैंकका प्रमुख कार्यकारी अधिकृत सुनिल के.सी. र डीकेसीका प्रमुख निर्देशक (चिफ डाइरेक्टर) मोबुयुकी नित्ताले सम्झोतापत्रमा हस्ताक्षर गरेका हुन् । उक्त सम्झौता ग्लोबल एलाइन्स फर बैंकिङ्ग अन भ्यालुजको भारतको कोचीमा सम्पन्न तेस्रो एसिया प्यासिफिक च्याप्टरको बैठकका सम्पन्न गरिएको हो ।
एनएमबि बैंकको सिफारिसमा केडिसीले नेपाली नागरिकहरुलाई जापानमा रोजगारी तथा कर्जा उपलब्ध गराउने सम्झौतापत्रको मुख्य उद्देश्य रहेको बैंकले जनाएको छ ।
एनएमबि बैंकको परामर्शमा जापानमा मानिसहरूलाई रोजगारी र ऋणका अवसर प्रदान गर्ने तथा मार्गप्रशस्त गर्नुका अलावा सहमतिपत्रमा जापानमा रहेका गैर आवासीय नेपालीहरू (एनआरएन) लाई विदेशी मुद्राको खाता तथा जापानबाट नेपालमा रेमिट्यान्स् प्रवाहमा पनि सहजीकरण गर्ने जनाएको छ ।
एनएमबि बैंक नेपालमा जीएबीभीको एकमात्र सदस्य हो भने डीकेसी जापानमा आफ्ना सहकारीका सदस्यहरू बसोबास गरिरहेका क्षेत्रहरूमा दिगो विकास र जीवनस्तरमा सुधार गर्ने उद्देश्य राखेर स्थापना भएको संस्था हो ।
