Prabhu Life Ad Final

१०% बोनश पारित गर्न कुमारी बैंकको एजिएम असोज ११ गते, यस्ता छन् अन्य एजेण्डाहरु

काठमाडौं । कुमारी बैंकको १९ औं बार्षिक साधारण सभा असोज ११ गते हुने भएको छ । भदौ २० गते बसेको बैंक संचालक समितिको बैठकको निर्णय अनुसार बैंकले उक्त सभाको मिति तय गरेको हो । सभा नक्साल ब्यांकेट, नक्साल काठमाडौंमा बिहान ११ बजे सुरु हुने बैंकले जनाएको छ ।

सभामा बैंकले आर्थिक वर्ष २०७५–७६ को नाफाबाट १० प्रतिशत बोनस र यसमा लाग्ने कर तिर्न ०.५२६ प्रतिशत नगद लाभांश वितरण गर्ने प्रस्ताव पेश गर्दैछ । बैंकले ८६ करोड ८५ लाख ५७ हजार ३१२ रुपैयाँ बराबरको बोनस वितरण गर्नेछ भने कर तिर्न भने ४ करोड ५७ लाख १३ हजार ५४२ रुपैयाँ नगद लाभांश बाँड्ने जनाएको छ ।

NLIC

साधारण सभा प्रयोजनका लागि बैंकले भदौ २९ गतेदेखि असोज ११ गतेसम्म बुक क्लोज गर्नेछ । भदौ २८ गतेसम्म कायम सेयरधनीले लाभांश पाउन सक्नेछन् ।बोनस सेयरपछि बैंकको चुक्ता पुँजी वृद्धि हुने भएकाले सोही अनुरुप प्रबन्धपत्र संशोधन गर्ने एजेज्डा पनि सभामा रहेको छ ।

सभामा आर्थिक वर्ष २०७५/७६ को नाफा नोक्सान सम्बन्धी हिसाबकिताबका सम्बन्धमा पनि छलफल हुनेछ । यस्तै, आर्थिक वर्ष २०७६/8७७ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि रहेको छ

हाल बैंकको चुक्ता पुँजी ८ अर्ब ६८ करोड ५५ लाख ७३ हजार रुपैयाँ रहेको छ । बोनस वितरणपछि पुँजी ९ अर्ब ५५ करोड ४१ लाख ३० हजार ४३९ रुपैयाँ पुग्नेछ ।

यो खबर पढेर तपाईलाई कस्तो महसुस भयो ?

0%

खुसी

0%

दुःखी

0%

अचम्मित

0%

उत्साहित

0%

आक्रोशित

प्रतिक्रिया दिनुहोस्

ADBL

सम्बन्धित समाचार

Insurance Khabar Mobile App