काठमाडौँ । अर्थमन्त्री डा. युवराज खतिवडाले मुलुकमा बार्षिक २० खर्ब रुपैयाँ लगानी गर्नुपर्ने अवस्था रहेको बताएका छन् । मन्त्री डा. खतिवडाले सरकारले आत्मसात गरेको दीगो विकास लक्ष्य भेट्टाउन सो मात्रामा लगानी आवश्यक भएको बताएका हुन् ।
शुक्रबार राष्ट्रिय व्यवसायिक पहल (एनबीआई)को आयोजनामा ‘रेस्पोन्सिवल विजनेश समिट’ कार्यक्रममा मन्त्री खतिवडाले निजि क्षेत्र र सरकार मिलेर अघि बढ्नुपर्ने अवस्था रहेको बताए । कार्यक्रमलाई सम्बोधन गर्दै अर्थमन्त्री युवराज खतिवडाले दीगो विकास लक्ष्यअन्तर्गतका १७ लक्ष्यहरु पूरा गर्न निजी क्षेत्रको साथ अनिवार्य भएको बताएका हुन् ।
कार्यक्रममा खतिवडाले सरकारले लिएको दीगो विकासको लक्ष्य भेट्न प्रतिवर्ष २० खर्ब लगानी गर्नुपर्ने र त्यसको ५० प्रतिशत निजी क्षेत्रले लगानी गर्नुपर्ने बताए ।
अर्थमन्त्री खतिवडाले नेपाल आफ्नो अति गरिब राष्ट्रको अवस्थाबाट मध्यम आयस्तर भएको राष्ट्रमा स्तरोन्नति हुन लागि शिक्षा, स्वास्थ्य, नवीकरणीय ऊर्जा, खाद्य सुरक्षालगायत क्षेत्रहरुको लक्ष्य महत्वपूर्ण हुने समेत बताए ।
