काठमाडौं । जापानले नेपालसहितका देशबाट एक हजार केयर गिभर लैजाने भएको छ । सो कार्यको लागि नेपाली युवतीहरुले पनि आवेदन दिन पाउने भएका छन् । नेपालसहित ९ देशबाट केयर गिभर कामदार लैजाने घोषणा गरेको जापानले यस वर्ष एक हजार केयर गिभर लैजाने भन्दै भाषा र तालिमको परिक्षाको मिति घोषणा गरेको छ ।
जापानिज भाषा अक्टोबर २७ देखि २९ नोभेम्बर र सीप मूल्याङ्कन परीक्षा नोभेम्बर १२ देखि १४ सम्म लिने तालिका सार्वजनिक गरेको छ । नेपालबाट युवतीहरुले पनि भाग लिन पाउने सो परिक्षाको लागि सरकारी तहमा कुनै तयारी गरिएको छैन ।
केयर गिभरमा जान एउटा तहको जापानिज भाषा र नर्सिङ तथा केयरिङ सम्बन्धी दुई वटा परिक्षा हुनेछ । जापानको स्वास्थ्य, श्रम तथा सामाजिक सुरक्षा मन्त्रालयको एउटा निकायले यस्तो परिक्षा लिने गर्दछ । जापानले स्पेशिफाईड केयर वर्किङ भिषा अन्तर्गत आप्रबासी कामदार लिन लागेको हो ।
भाषा र नर्सिङ केयर टेष्टमा शैक्षिक योग्यता आवश्यकता नपर्ने भएपनि जेएलटी ४ सम्मको जापानिज भाषा कोर्ष भने पूरा गरेको हुनुपर्नेछ ।
मन्त्रालयले आफ्नो वेभसाईटमा जनाए अनुसार ‘नर्सिङ केयर स्किल इभ्यालुयसन टेष्ट’ र ‘नर्सिङ केयर जापानिज ल्याङ्गग्वयज इभ्यालुयसन टेष्ट’ नामक दुई वटा परिक्षामा पास भएपछि मात्रै जापानमा केयर गिभरमा जाने अनुमति पाइन्छ ।
नर्सिङ केयर गिभरमा जापान जान चाहनेले अनलाइनमार्फत फाराम भर्न पाइनेछ । फाराम भर्नुअघि काठमाडौंमा रहेको जापानी दूतावास र जापान फाउन्डेसनले तोकेको नेपालमा रहेको कार्यालयबाट टोकन लिएर परीक्षामा सामेल हुुनपर्ने भनिएको छ, यद्यपि अझै यसको कार्यविधि तय भइसकेको छैन ।
जापान सरकारको अनुसार सीप परीक्षा ६० मिनेटको हुन्छ र ४५ ओटा प्रश्न सोधिने छ । कम्प्युटर–बेस्ड टेस्टिङ विधिबाट लिइने जाँचमा सोधिने ४५ प्रश्नमध्ये ४० लिखित र बाँकी ५ प्रश्नको व्यवहारिक परीक्षा हुनेछ । उक्त परीक्षा दिनका लागि एक हजार जापानी येन लाग्ने छ । यस्तै, ३० मिनेटको हुने जापानी भाषा परीक्षामा १५ वटा प्रश्न सोधिने छ ।
केयर गिभरको भाषा परिक्षा र नर्सिङ परिक्षाको कोर्स पिडिएफमा डाउनलोड गर्नुहोस् ।
