काठमाडौँ । नेपाल सरकार गृह मन्त्रालय राष्ट्रिय परिचयपत्र तथा पञ्जीकरण विभागले करार सेवामा विभिन्न पदका लागि १९८९ जना कर्मचारी माग गरेको छ । विभागबाट सञ्चालित सामाजिक सुरक्षा तथा व्यक्तिगत घटना दर्ता प्रणाली सुदृढिकरण आयोजना अन्तरगत ७५३ वटै स्थानीय तहमा रहने सेवा इकाईमा आवश्यक एम.आई.एस. अपरेटर र फिल्ड सहायक पदमा करार सेवामा कर्मचारी माग गरेको हो ।
विभागले एम.आई.एस. अपरेटर( राजपत्र अनङ्कि प्रथम श्रेणी सरह) पदमा ९९४ जना कर्मचारी माग गरेको छ । त्यस्तै, फिल्ड सहायक (राजपत्र अनङ्कि द्धितिय श्रेणी सरह) पदमा ९९५ जना कर्मचारी माग गरेको छ ।
इच्छुक तथा योग्यता पुगेका उम्मेद्धवारले यो सूचना प्रकाशित भएको मितिले १५ दिनभित्र आवेदन दिन सक्ने विभागले जनाएको छ ।
