काठमाडौं । मेरो माइक्रोफाइनान्स वित्तीय संस्थाले ३१ दशमलव ५८ प्रतिशत लाभांश दिने घोषणा गरेको छ । कम्पनीको भदौ ९ गते बसेको सञ्चालक समिति बैठकले २०७५–७६ को नाफाबाट ३० प्रतिशत बोनस र १ दशमलव ५८ प्रतिशत नगद वितरण गर्ने निर्णय गरेको हो ।
कम्पनीले १९ करोड ७३ लाख ४० हजार बराबर को ३० प्रतिशतका दरले बोनस वितरण गर्नेछ । कर तिर्न १ करोड ३ लाख ९३ हजार रुपैयाँ बराबरको १ दशमलव ५८ प्रतिशत नगद लाभांश वितरण गर्ने छ ।
हाल कम्पनीको चुक्ता पुँजी ६५ करोड ७८ लाख रुपैयाँ रहेको छ । बोनस वितरणपछि मेरोको चुक्ता पुँजी ८५ करोड ४१ लाख रुपैयाँ पुग्नेछ ।
नेपाल राष्ट्र बैंक र आगामी साधारण सभाबाट अनुमोदन भएपछि लगानीकर्तालाई वितरण प्रक्रिया अघि बढाइने जनाएको छ ।
