काठमाडौं । वाणिज्य बैंकहरुले मात्र निष्काशन गर्दै आएको ऋणपत्र अब फाइनान्स कम्पनीहरुले पनि ऋणपत्र निष्काशनमा अघि बढेका छन् । पहिलो पटक आइसीएफसी फाइनान्सले २ लाख इकाई ऋणपत्र बिक्री गर्न लागेको छ ।
फाइनान्सले ऋणपत्र निष्काशन तथा विक्री गर्नका लागि ग्लोबल आइएमई क्यापिटललाई बिक्री प्रबन्धक नियुक्त गरेको छ । फाइनान्सले प्रतिइकाई १ हजार रुपैयाँ मूल्यको २० करोड रुपैयाँ बराबरको ऋणपत्र निष्काशन गर्न लागेको हो ।
सात वर्ष अवधिको यस ऋणपत्रमा वार्षिक १२ प्रतिशत ब्याज पाइनेछ । उक्त ऋणपत्रमा प्रत्येक ६ महिनामा ब्याज भुक्तानी हुनेछ ।
