काठमाडौं । नेपाल इन्स्योरेन्सले आफ्ना शेयरधनीलाई ७ दशमलव ५ प्रतिशत लाभांश दिने भएको छ । कम्पनीले आर्थिक वर्ष २०७४/७५ को मुनाफाबाट आफ्ना शेयरधनीलाई उक्त बोनश शेयर दिने भएको हो । कम्पनीको भदौ ८ गते आइतबार सम्पन्न ७० औं वार्षिक साधारणसभाले ७ दशमलव ५ प्रतिशत बोन शेयर दिने प्रस्ताव पारित गरेको हो ।
साधारण सभाले निर्जीवन बीमा व्यवसाय गर्ने उपयुक्त कम्पनीसँग गाभ्ने, गाभिने वा प्राप्ती गर्ने सम्बन्धी विषयमा निर्णय गर्ने सम्पूण अधिकार सञ्चालक समितिलाई प्रदान गर्ने प्रस्ताव पनि पारित गरेको छ ।
त्यस्तै, बोनश वितरण पछि कम्पनीको चुक्त पूँजी एक अर्ब ९ करोड ५५ लाख रुपैयाँ पुग्नेछ । बोनसमा लाग्ने कर भने शेयरधनी आफैँले ब्योहोर्नुपर्नेछ ।
आर्थिक वर्ष २०७५ /७६ को चौथो त्रैमास सम्ममा इन्स्योरेन्सले ५८ करोड १९ लाख रुपैयाँ खुद बीमा शुल्क आर्जन गरी १८ करोड ५ लाख रुपैयाँ खुद नाफा कमाएको छ ।
