काठमाडौं । आज आइतबार सुनको मुल्य बढेको छ । ३ दिनसम्म स्थिर रहेको सुनको मूल्य आज एक हजार २ सय रुपैयाँले बढेर छापावाला सुनको मुल्य ७२ हजार ५ सय रुपैयाँमा कारोबार भएको छ । आज कायम भएको सुनको मुल्य हालसम्मकै उच्च मुल्य भएको नेपाल सुनचाँदी महासंघले जनाएको छ ।
त्यस्तै आज तेजाबी सुनको मुल्य पनि बढेको छ । आज तेजावी सुनको मुल्य प्रतितोला ७२ हजार २ सय रुपैयाँमा कारोबार भइरहेको छ । यो नेपाली बजारमा सुनको भाउ हालसम्मकै महंगो हो ।
त्यसैगरी सुनको मूल्य सँगसँगै चाँदीको मूल्य पनि निरन्तर बढेको छ । चाँदीको मूल्यमा पनि प्रतितोला २० रुपैयाँले बढेर ८५० रुपैयाँमा खरिद बिक्री भइरहेको महासंघले जनाएको छ ।
