SKIP THIS

PCl

बेष्ट फाइनान्सको ८ लाख २ हजार कित्ता शेयर लिलामीमा, कहिलेदेखि खुल्दै ?

काठमाडौं। बेष्ट फाइनान्सले हकप्रद शेयर लिलामी गर्ने भएको छ । फाइनान्सले भदौ ११ गतेदेखि ८ लाख २ हजार २ सय २४ दशमलव ४७ कित्ता शेयर लिलाम गर्ने भएको हो । फाइनान्सले हकप्रद निष्काशन गर्दा बिक्रि नभएको शेयर लिलाम गर्ने लागेको हो ।

जस मध्ये ५ लाख ४७ हजार ६ सय ७४ दशमलव ५७ कित्ता संस्थापक शेयर र २ लाख ४४ हजार ५ सय ४९ दशमलव ९० कित्ता शेयर सर्वसाधारण समुह तर्फको रहेको छ ।

इच्छुक बोलकबोलदाता प्रति कित्ता १०० रुपैयाँ भन्दा कम नहुने गरी आवेदन दिनु पर्ने जनाएको छ । शेयर लिलाम प्रक्रियाको लागि प्रभु क्यापिटल बिक्रि प्रबन्धक रहेको छ ।

आवेदन दिँदा सर्वसाधारण तर्फ न्युनतम १०० कित्ता र संस्थापक तर्फ न्युनतम १००० कित्ताको लागि आवेदन दिनु पर्ने छ । लगानीकर्ताले भदौ २५ गतेसम्म आवेदन दिन सक्ने छन् । साथै, प्रभु क्यापिटल कमलादी, बेस्ट फाइनान्सको शाखाहरु र प्रबु बैंकको १० वटा शाखा कार्यालयबाट आवेदन दिन सकिने जनाएको छ ।

प्रतिक्रिया दिनुहोस्

सम्बन्धित समाचार