काठमाडौं । हिमालयन जनरल इन्स्यारेन्स कम्पनीले निर्जिवन बीमा अभिकर्ता तालिम सञ्चालन गर्ने भएको छ । व्यवसाय बृद्धि गर्ने उद्देश्यले स्वरोजगारको अवसर सिर्जना गर्न आगामी भदौं ३१ गतेदेखि असोज ४ गतेसम्म सात दिने आधारभूत निर्जिवन बीमा अभिकर्ताको तालिम सञ्चालन गर्न लागेको कम्पनीले सूचनामार्फत जानकारी दिएको छ ।
तालिममा सहभागी हुन चाहनेहरुले भदौं २७ गतेभित्र आवेदन दिन आह्वान गरिएको छ । शैक्षिक योग्यता एसएलसी उत्तिर्णले नागरिकताको प्रतिलिपी, शैक्षिक प्रमाणपत्रको प्रतिलिपी र पासपोर्ट साईजको फोटो चार प्रति लिई आवेदन दिन समेत आह्वान गरिएको छ । कम्पनीको केन्द्रीय कार्यालय बबरमहलमा दिइने तालिममा जम्मा ३० जना मात्रै सहभागी गराइने कम्पनीले जनाएको छ ।
कम्पनीले युवाहरुलाई स्वरोजगार बनाउन, बीमाको पहुँच तथा जनचेतना अभिबृद्धि गर्न तालिम सञ्चालन गर्न लागिएको जनाएको छ ।
