काठमाडौं । जीवन बीमा कमपनी एशियन लाईफ इन्स्योरेन्स गत आर्थिक वर्षको सञ्चालन मुनाफामा उल्लेखनीय सुधार गर्न सफल भएको छ । सो बीमा कम्पनीको चौथो त्रैमासिक वित्तिय विवरण आज सार्वजनिक गरेको छ ।
कम्पनीले आर्थिक वर्ष ०७५।०७६ को चौथोे त्रैमाससम्म चार अर्ब २१ करोड रुपैयाँ कुल बीमा शुल्क आर्जन गरेको वित्तिय विवरणमा उल्लेख छ ।
कम्पनीले अघिल्लो आर्थिक वर्षको चौथौ त्रैमाससम्म तीन अर्ब एक करोड रुपैयाँ कुल बीमा शुल्क आर्जन गरेको थियो । गत आवमा कम्पनीको कुल बीमा शुल्क आर्जन रकम ४० प्रतिशतले वृद्धि भएको छ । नयाँ बीमा कम्पनीहरु थप भएको तथा बीमा क्षेत्र प्रतिस्पर्धी बन्दै गएको समयमा पनि ४० प्रतिशत बीमा शुल्क आर्जन बृद्धि हुनुलाई सकारात्मक रुपमा हेर्न सकिन्छ ।
त्यस्तै, कम्पनीले चार अर्ब २१ करोड रुपैयाँ खुद बीमा शुल्क आर्जन गरेको छ । यद्यपि सो बीमा कम्पनीको खुद बीमा शुल्क आर्जन रकम भने ४१ प्रतिशतले बढेको छ ।
असार मसान्तसम्ममा कम्पनीले पाँच करोड ८२ लाख रुपैया खुद नाफा गरेको छ । खुद नाफा अघिल्लो आर्थिक वर्षको चौथौ त्रैमासको तुलनामा २६ प्रतिशतले वृद्धि भएको छ । जीवन बीमा कम्पनीको मुनाफा लेखापरिक्षणका बखत बीमांकीय मूल्याङ्कनबाट हेरफेर हुने गर्दछ ।
कम्पनीको जगेडा कोषमा ३२ करोड १५ लाख रुपैयाँ संचित छ । कम्पनीको जगेडा कोष २८ प्रतिशतले वृद्धि हुन सफल भएको देखिएको छ ।
कम्पनीको जीवन बीमा कोष भने ३० प्रतिशतले वृद्धि हुँदै १७ अर्ब १ करोड रुपैयाँ पुगेको छ । कम्पनीको वार्षिक प्रति शेयर आम्दानी २ रुपैयाँ ९० पैसा छ । अघिल्लो आर्थिक वर्षको चौथौ त्रैमासमा ३ रुपैयाँ ६६ पैसा थियो ।
