काठमाडौं । मेट लाइफ इन्स्योरेन्सले आर्थिक वर्ष २०७५ /७६ को चौथो त्रैमासको वित्तीय विवरण प्रकाशित गरेको छ । आर्थिक वर्ष २०७५/ ७६ को चौथो त्रैमाससम्ममा आइपुग्दा इन्स्योरेन्स कम्पनीको नाफा ४५ प्रतिशतले घटेको छ । आर्थिक वर्ष २०७५ /७६ को १२ महिनाको अवधिसम्ममा इन्स्योरेन्सले ३१ करोड ८६ लाख रुपैयाँ नाफा कमाएको छ । गत आर्थिक वर्षको सोही अवधिमा कम्पनीले ५७ करोड ८८ लाख रुपैयाँ नाफा कमाएकमो थियो ।
कम्पनीले आर्थिक वर्ष २०७५/ ७६ को चौथो त्रैमासको अवधिसम्म् आइपुग्दा जगेडा कोषमा १६ प्रतिशतले रकम सञ्चिती बढाई २ अर्ब ९ करोड ९१ लाख रुपैषँ सञ्चिती गरेको छ ।
आर्थिक वर्ष २०७५ /७६ को चौथो त्रैमाससम्मको अवधिमा कम्पनीले जीवन बीमा कोषमा ११ प्रतिशतले रकम बृद्धि गरेको छ । यस अवधिसम्म आइपुग्दा कम्पनीको बीमा कोषमा १६ अर्ब ५४ करोड रुपैयाँ बीमो कोषमा रहेको छ ।
त्यस्तै, कम्पनीले खुद बीमा शुल्क आर्जनमा पनि १५ प्रतिशतले बृद्धि गरेको छ । आर्थिक वर्ष २०७५ /७६ को चौथो त्रैमाससम्म आइपुग्दा कम्पनीले ४ अर्ब ७ लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ३ अर्ब ५४ करोड रुपैयाँ खुद बीमा शुल्क आर्जन गरेको थियो ।
मेट लाईफको वित्तिय विवरणमा देखिएको मुनाफामा भने हेरफेर हुनसक्छ । जीवन बीमा कम्पनीहरुको अन्तिम मुनाफा अडिटबाट बीमांकीय मूल्याङ्कनले भूमिका खेल्ने हुँदा फरक पर्न सक्नेछ ।
