बैंकिङ कसुरमा प्रदेश मन्त्री पक्रन अदालतको पूर्जी

586

काठमाडौं । कीर्ते बैंक ग्यारेन्टी बनाएर पेश गरी बैंकिङ कसुर गरेको अभियोगमा पश्चिम नेपालको कर्णाली प्रदेशका भौतिक तथा पूर्वाधार विकासमन्त्री खडकबहादुर खत्रीलाई पक्राउ गर्न उच्च अदालत पाटनले आदेश दिएको छ । सोमबार दिइएको आदेशपछि मंगलबार पक्राउ पुर्जी जारी गरिएको हो ।

सोमबार उच्च अदालतको संयुक्त वाणिज्य इजलासका न्यायाधीशहरु श्रीकान्त पौडेल र टेकप्रसाद ढुंगानाको इजलाशले मन्त्री खत्री र उनका व्यापारिक साझेदार राजुप्रसाद श्रेष्ठलाई पक्राउ गर्न आदेश दिएको अदालतलाई उध्रित गर्दै प्राप्त समाचारमा जनाइएको छ । सोमबार बैंकिङ कसुर मुद्दामाथि सुनुवाई भएको थियो । रिट नं ०७६सिबी ०१९७ को बैंकिङ कसुरको मुद्दामा कृषि विकास बैंकको कीर्ते बैंक ग्यारेन्टी पेश गरेको अभियोगमा छविलाल ढकाल समेत पाँच जनाका विरुद्धमा मुद्दा परेको थियो ।

मन्त्री खत्रीसहित पाँचजनाले एक करोड १० लाख ८० हजार रकमको किर्ते बैंक ग्यारेन्टीको पत्र जिल्ला प्राविधिक कार्यालय भोजपुरमा पेश गरेको अदालतको ठहरपछि कारवाहीको लागि पक्राउ पूर्जी जारी भएको हो ।

 

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्