एलआईसी नेपालद्धारा लाभांस वितरण सुरु

578

काठमाडौं । लाइफ इन्स्योरेन्स कर्पोरेशन नेपालले आर्थिक वर्ष २०७४/०७५ को मुनाफाबाट सधारणसभाले पास गरेबमोजिमको नगद लाभांस शेयरधनीकै खातामा वितरण गर्न सुरु गरेको छ ।

कम्पनीले साउन २७ गते सोमबारदेखि ३४ दशमलव ४६ प्रतिशत बोनस सेयर र ३५ दशमलव ५३ प्रतिशत नगद लाभांस गरि वितरण गर्न सुरु गरेको हो । नगद लाभांश शेयरधनीको बैंक खातामा रकमान्तर गरिनेछ भने बोनस शेयर डिम्याट खातामा प्रवाह गरिने कम्पनीले जनाएको छ ।

गत साउन २४ गतेको साधारणसभाबाट पारित मुनाफा नेपाल क्लियरिङ्ग हाउसको आईपिएस प्रणालीमार्फत शेयरधनीको खातामा जम्मा गर्न सुरु गरिएको र तीन दिन भित्र सबै शेयरधनीको खातामा जम्मा भईसक्ने कम्पनीले सूचनामार्फत जनाएको छ । कम्पनीको १७ औं वार्षिक साधारण सभाबाट करि सहित ७० प्रतिशत लाभांश अनुमोदन भएको थियो ।

शेयर रजिष्ट्रार नेपाल एसबिआई मर्चेण्ट बैंकिङ्गका अनुसार बोनस शेयर वितरणको लागि सिडिएस तथा नेप्सेमा सूचीकरण भए पश्चात मात्र सम्बन्धित शेयरधनीको डिम्याट खातामा जम्मा गरिने जनाएको छ ।

साथै नेपाल एसबिआई मर्चेन्ट बैंकिङ्गले भौतिक शेयर धारण गरेका र डिम्याट खातामा बैंक खाता नम्बर रुजु नगराएका शेयरधनीलाई आफुसँग भएको शेयर अभौतिकीकरण र डिम्याट खातामा बैंकको खाता अद्यावधिक गरेपछि मात्र प्राप्त गर्न सकिने जनाएको छ ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्