गरिमा विकास बैंकको नाफा २६ प्रतिशतले बढ्यो, अन्य वित्तीय सूचक कस्तो ?

काठमाडौं । गरिमा विकास बैंकले आर्थिक वर्ष २०७५ /७६ को चौथो त्रैमासको वित्तीय विवरण प्रकाशित गरेको छ । बैंकले गत आर्थिक वर्षका सोही अवधिको तुलनामा नाफा कमाएको वित्तयि विवरण सार्वजनिक गरेको छ ।

बैंकले आर्थिक वर्ष २०७५/ ७६ को १२ महिनासम्म ५९ करोड २२ लाख रुपैयाँ खुद नाफा कमाएको छ । अघिल्लो आर्थिक वर्षको सोही अवधिको तुलनामा बैंकले २६ दशमलव ३२ प्रतिशतले नाफा बढाएको हो । अघिल्लो वर्ष यसै अवधिमा बैंकले ४६ करोड ८८ लाख रुपैयाँ खुद नाफा कमाएको थियो ।

बैंकको वितरण योग्य नाफा ४५ करोड ३१ लाख रुपैयाँ छ । बैंकको चुक्ता पुँजी पनि १० प्रतिशतले बढेर २ अर्ब ७८ करोड ८३ लाख रुपैयाँ कायम भएको छ । गत वर्ष गरिमाको चुक्ता पुँजी २ अर्ब ५३ करोड ४८ लाख रुपैयाँ रहेको थियो ।

बैंकले निक्षेप संकलन र कर्जा प्रवाह पनि बृद्धि गरेको छ । बैंकले निक्षेप संकलनमा ३५ दशमलव ७६ प्रतिशतले बृद्धि गष्रेको हो भने कर्जा प्रवाहमा ५१ दशमलव २७ प्रतिशतले बृद्धि गरेको हो ।

बैंकको प्रतिसेयर आम्दानी पनि २ रुपैयाँ ७४ पैसाले बढेर २१ रुपैयाँ २४ पैसा भएको छ । गरिमाको प्रतिसेयर नेटवर्थ १ सय ३५ रुपैयाँ ४६ पैसा रहेको छ ।

प्रतिक्रिया दिनुहोस्

सम्बन्धित समाचार