इन्फ्रास्ट्रक्चर बैंकले न्युनतम ३० करोड रुपैयाँसम्म लगानी गर्न पाउने

काठमाडौं । इन्फ्रास्ट्रक्चर बैंकले अब न्युनतम ३० करोड रुपैयाँको परियोजनामा पनि लगानी गर्न पाउने भएको छ । नेपाल राष्ट्र बैंकले इन्फ्रास्ट्रक्चर बैंकलाई ऋण लगानी गर्ने सिमा घटाइदिएको छ ।

यसअघि इन्फ्रास्ट्रक्चर बैंकले न्यूनतम ५० करोड रुपैयाँका परियोजनाहरुमा लगानी गर्नुपर्ने व्यवस्था थियो । तर राष्ट्र बैंकले उक्त सिमा घटाएर ३० करोडमा झारेको हो ।

इन्फ्रास्ट्रक्चर बैंकले ठुलो रकम मात्र लगानी गर्न पाउने भएकाले कुनै प्रोजेक्ट नपाउँदा बैंकमा पैसा राखेर ब्याज खाइरहेको थियो । अब सानो सानो प्रोजेक्टमा पनि लगानी गरी त्यहाँबाट व्याज प्राप्त गर्न सक्नेछ ।

राष्ट्र बैंकले इन्फ्रास्ट्रक्चर बैंकलाई पनि अन्य वाणिज्य बैंकहरुलाई जस्तै निक्षेप र कर्जाको वार्षिक योजना समेत बुझाउन अनिवार्य गरेको छ । त्यस्तै बैंक सञ्चालक समितिले त्रैमासिक समिक्षा गरी राष्ट्र बैंकको सुपरिवेक्षण विभागमा बुझाउनु पर्ने छ ।

प्रतिक्रिया दिनुहोस्

सम्बन्धित समाचार