निःशुल्क स्वास्थ्य शिविर संचालन गरी मनायो ग्रामीण विकास लघुवित्तले पाँचौं वार्षिकोत्सव

ग्रामीण विकास लघुवित्त वित्तीय संस्थाले निःशुल्क स्वास्थ्य शिविर संचालन गरेको छ । संस्थाले आफ्नो पाँचौं वार्षिकोत्सवको अवसरमा संस्थागत सामाजिक उत्तरदायित्व अन्तर्गत विभिन्न प्रदेशहरूमा निःशुल्क स्वास्थ्य शिविर संचालन गरेको हो ।

लघुवित्तले बिभिन्न प्रदेशमा संचालनमा ल्याएको निःशुल्क स्वास्थ्यबाट २१ सयभन्दा बढीले सेवा पाएका छन। लघुवित्तले प्रदेश ५ को रुपन्देहीको गैडहवा गाऊँपालिकाको मंगलपुर, प्रदेश नं.२, महोत्तरीको मनरा सिसवा नगरपालिका र सूदुरपश्चिम प्रदेशको कैलालीको गौरीगंगा नगरपालिका, मसुरीयामा यही साउन २६ गते शनिवार निःशुल्क स्वास्थ्य शिविर एकै समयमा सम्पन्न गरेको थियो ।

उक्त निःशुल्क स्वास्थ्य शिविरमा १०३० भन्दा बढी स्थानिय जनसमूदायले स्वास्थ्य परिक्षण गराई लाभान्वित भएका छन ।

क्षेत्रीय कार्यालय जनकपुर अनतर्गत महोत्तरीको मनरासिसवामा संचालन भएको निःशुल्क स्वास्थ्य शिविरमा स्त्रीरोग, फिजिसियन,सर्जरी र बालरोगका विशेषज्ञहरुबाट करिव २६० जना व्यक्तिहरूलाई स्वास्थ्य परिक्षण गरिएको थियो भने क्षेत्रीय कार्यालय धनगढी अन्तर्गत संचालन भएको निःशुल्क स्वास्थ्य शिविरमा करिव २३५ जना व्यक्तिहरूलाई नाक, कान र घाटी रोगको स्वास्थ्य परिक्षण गरिएको थियो । विमारीहरूलाई स्वास्थ्य परीक्षणसँगै केही औषधी समेत निःशुल्क वितरण गरिएको थियो ।

त्यस्तै रुपन्देहीको गैडहवा गाऊँपालिकाको मंगलपुरमा संचालन भएको निःशुल्क स्वास्थ्य शिविरमा स्त्री रोग, पाठेघरको क्यान्सर, हाडजोर्नी, सामान्य चिकित्सा र बाल रोग विशेषेज्ञहरूद्धारा मंगलपुर, सूर्यपुरा, सग्रहवा, गिदैया, पौवा, मिनमिनवा, अमौली, धमौली, भैसहिया आसपास क्षेत्रका करिव ५३५ जना व्यक्तिहरूलाई स्वास्थ्य परिक्षण तथा ल्याव परिक्षण गरिएको थियो ।

प्रतिक्रिया दिनुहोस्

सम्बन्धित समाचार