लक्ष्मी बैंकले आर्थिक वर्ष २०७५/७६ को चौथो त्रैमासको वित्तीय विवरण प्रकाशित गरेको छ । बैंकले आर्थिक वर्ष २०७५ ७६ को अन्त्यससम्म आइपुग्दा १ अर्ब ५७ करोड ६० लाख रुपैयाँ खुद नाफा कमाएको छ । अघिल्लो आर्थिक वर्षको सोही अवधिको तुलनामा बैंकको नाफा ३३ प्रतिशतले बढी हो । अघिल्लो वर्षको सोही अवधिमा बैंकले अवधिमा बैंकले १ अर्ब १८ करोड १० लाख रुपैयाँ कमाएको थियो ।
आर्थिक वर्ष अवधिमा वितरण योग्य नाफा १ अर्ब १५ करोड ६१ लाख रुपैयाँ रहेको छ । वितरण योग्य मुनाफाको आधारमा बैंकको लाभांश दिन सक्ने क्षमता १३ प्रतिशत रहेको छ ।
बैंकले जगेडा कोषमा यस अवधिसम्म २ अर्ब १६ करोड रुपैयाँ सञ्चिती गरेको छ । बैंकले यस अवधिसम्म ३ अर्ब ४ करोड रुपैयाँ खुद व्याज आम्दानी गरेको छ । गत आर्थिक वर्षको सोही अवधिको तुलनानमा बैंकको खुद व्याज ३१ प्रतिशतले बढी हो ।
आर्थिक वर्ष २०७५/७६ को चौथो त्रैमाससम्मको अवधिमा आइपुग्दा बैंकले निक्षेप संकलनमा २२ प्रतिशतले बृद्धि गरेको हो भने कर्जा प्रवाहमा २६ प्रतिशतले बृद्धि गरेको हो ।
बैंकको प्रतिसेयर आम्दानी १ रुपैयाँ ८७ पैसाले बढेर १७ रुपैयाँ ६७ पैसा पुगको छ । यस अवधिमा लक्ष्मीको प्रतिसेयर नेटवर्थ १४१ रुपैयाँ ६७ पैसा रहेको छ ।
