SKIP THIS

PCl

नेप्से ४ अंकले घट्यो, ४४ करोडमाथिको कारोबार

साताको दोस्रो दिन पनि शेयर बजार घटेको छ । नेप्से ४ दशमलव ५५ अंकले घटेर १,२५५ दशमलव ०९ को बिन्दुमा कायम भएको छ । निर्जीवन बीमा समुह र म्युचल फण्ड बाहेक सबै उपसूचक घटेका छन् । सबैभन्दा धेरै माइक्रोफाइनान्स २७ अंकले घटेको छ ।

दिनभरिमा १ सय ६७ कम्पनीको १५ लाख ५ हजार ५ सय ६ कित्ता शेयर ७ हजार १ सय ९४ पटक खरिदविक्री हुँदा ४४ करोड ३२ लाख ५ हजार रुपैयाँको कारोबार भएको छ । सबैभन्दा धेरै नेपाल बैंकको २ करोड ६९ लाख रुपैयाँको कारोबार भएको छ ।

त्यसैगरी कृषि विकास बैंकको १ करोड ९४ लाख रुपैयाँ, एनसीसी बैंकको १ करोड ७१ लाख रुपैयाँ, छिमेक लघुवित्त, एनआइसी एशिया, शिवम् सिमेन्ट, मेगा बैंक, प्रभु बैंक, नेपाल इन्भेष्मेन्ट बैंक, मुक्तिनाथ विकास बैंकको १ करोडमाथिको कारोबार भएको छ ।

स्वाभिमान लघुवित्त वित्तीय संस्थाका लगानीकर्ताले सबैभन्दा धेरै ४ प्रतिशतका दरले कमाएका छन् भने स्पर्स लघुवित्त, सपोर्ट माइक्रोफाइनान्स, गुराँस लघुवित्तका लगानीकर्ताले सबैभन्दा धेरै ९ प्रतिशतका दरले गुमाएका छन् ।

प्रतिक्रिया दिनुहोस्

सम्बन्धित समाचार