आरएसडिसी लघुवित्तले गत आर्थिक वर्षमा ६ करोड ४१ लाख ६७ हजार रुपैयाँ खुद मुनाफा आर्जन गरेको छ। अघिल्लो आवको सोहि अवधीमा कम्पनीले ३ करोड ७४ लाख नाफा कमाएको थियो। कम्पनीले आफ्नो खुद नाफा ७१ दशमलव २२ प्रतिशतले बढाएको हो ।
कम्पनीको चुक्ता पूँजी ६३ करोड ३५ लाख १२ हजार रुपैयाँ रहेको छ। यस्तै लघुवित्तको जगेडा कोषमा पनि ७ करोड १४ लाखबाट करिब १३७ प्रतिशतले बढेर १६ करोड ९२ लाख पुगेको छ ।
लघुवित्तले गत असार मसान्तसम्म अन्य लघुवित्त संस्थाहरुमा दुई अर्ब ५१ करोड ५५ लाख रुपैयाँ कर्जा परिचालन गरेको छ । कर्जा प्रवाहबाट कम्पनीले १२ करोड २९ लाख ७१ हजार खुद ब्याज आम्दानी गरेको छ । जुन अघिल्लो आवको तुलनामा ७५ प्रतिशत अधिक हो ।
लघुवित्तको निष्क्रिय कर्जा अनुपात ० दशमलव ०३ बाट ०दशमलव २५ प्रतिशतमा बढेको छ। खराब कर्जा वृद्धिले ६८ लाखको नोक्सानी व्यवस्था बढेर २ करोड माथि पुगेको छ ।
लघुवित्तको प्रतिशेयर नेटवर्थ १२६ रुपैयाँ ७१ पैसा, कोषको लागत ११.०२ प्रतिशत र मूल्य आम्दानी अनुपात ३३.८६ गुणा छ।
