मिर्मिरे लघुवित्तको नाफामा आकर्षक सुधार, प्रतिशेयर आम्दानी कति ?

मिर्मिरे लघुवित्त वित्तीय संस्थाले आकर्षक वित्तीय विवरण प्रकाशन गरेको छ । गत आर्थिक वषको १२ महिनाको अवधिसम्म आइपुग्दा लघुवित्तको खुद नाफा १ सय ७ प्रतिशतले बढेर ६ करोड १४ लाख रुपैयाँ कमाएको छ । अघिल्लो आर्थिक वर्षको यसै अवधिमा संस्थाले २ करोड ९७ लाख रुपैयाँ खुद नाफा कमाएको थियो ।

यस अवधिमा लघुवित्तको खुद ब्याज आम्दानी ७२ प्रतिशतले बढेर १४ करोड ३४ लाख रुपैयाँ पुगेको छ। लघुवित्तको सञ्चालन नाफा १ सय ३१ प्रतिशतले बढेर ८ करोड २१ लाख रुपैयाँ पुगेको छ ।
लघुवित्तले आर्थिक वर्ष २०७५/ ७६ को चौथो त्रैमाससम्मको अवधिमा ७७ करोड ५० लाख रुपैयाँ निक्षेप संकलन गरी २ अर्ब ४४ करोड रुपैयाँ कर्जा प्रवाह गरेको छ । जसले गत आर्थिक वर्षको सोही अवधिको तुलनामा निक्षेपमा ८९ प्रतिशतले बृद्धि गरेको हो भने कर्जा प्रवाहमा ७१ प्रतिशतले बृद्धि गरेको हो । लघुवित्तले गत आर्थिक वर्षको १२ महिनामा सापटि पनि ५६ प्रतिशतले बढाएको छ ।

प्रतिसेयर आम्दानी ४७ रुपैयाँ ७४ पैसा पुगेको छ । लघुवित्तको प्रतिसेयर नेटवर्थ १३० रुपैयाँ ८३ पैसा पुगेको छ ।

प्रतिक्रिया दिनुहोस्

सम्बन्धित समाचार