विजय लघुवित्त वित्तीय संस्थाले आकर्षक वित्तीय विवरण प्रकाशन गरेको छ । गत आर्थिक वषको १२ महिनाको अवधिसम्म आइपुग्दा लघुवित्तको नाफा १ सय ५० प्रतिशतले बढेर ६ करोड २३ लाख रुपैयाँ कमाएको छ । अघिल्लो आर्थिक वर्षको यसै अवधिमा संस्थाले २ करोड ४९ लाख रुपैयाँ खुद नाफा कमाएको थियो ।
यस अवधिमा विजयको सञ्चालन नाफा १ सय ९४ प्रतिशतले बढेर ९ करोड ६४ लाख रुपैयाँ पुगेको छ । साथै, खुद ब्याज आम्दानी ६४ प्रतिशतले बढेर १६ करोड ४० लाख रुपैयाँ पुगेको छ
लघुवित्तले आर्थिक वर्ष २०७५ /७६ को चौथो त्रैमाससम्मको अवधिमा ५९ करोड ३३ लाख रुपैयाँ निक्षनेप संकलन गरी २ अर्ब ९३ करोड रुपैयाँ कर्जा प्रवाह गरेको छ । जसले गत आर्थिक वर्षको सोही अवधिको तुलनामा निक्षेपमा ९२ प्रतिशतले बृद्धि गरेको हो भने कर्जा प्रवाहमा ९९ प्रतिशतले बृद्धि गरेको हो । लघुवित्तले गत आर्थिक वर्षको १२ महिनामा सापटि पनि ११० प्रतिशतले बढाएको छ ।
प्रतिसेयर आम्दानी ३१ रुपैयाँ ९९ पैसा पुगेको छ । लघुवित्तको प्रतिसेयर नेटवर्थ १३० रुपैयाँ ८३ पैसा पुगेको छ ।
विजय लघुवित्त वित्तीय संस्थाले स्वेडा लघुवित्तलाई एक्वायर गर्न असार २६ गते एक्विजिसन सम्बन्धी समझदारी पत्रमा हस्ताक्षर गरिसकेको छ । हाल लघुवित्तको चुक्ता पुँजी १९ करोड ४८ लाख रुपैयाँ रहेको छ ।
