बीमा समितिले सफ्टवेयर खरिद गर्न आह्वान गरेको टेण्डर रद्द

काठमाडौं । बीमा क्षेत्रको नियामक निकाय बीमा समितिले एकीकृत सफ्टवेयर तथा सर्भर जडान गर्ने प्रयोजनको लागि आह्वान गरेको टेण्डर आइतबार रद्ध भएको छ ।बीमा समितिले आह्वान गरेको टेण्डर सार्वजनिक खरिद ऐन २०६४ अनुसार नभएपछि सो टेण्डर रद्ध भएको हो ।

बीमा समितिका सूचना अधिकारी निर्मल अधिकारीले टेण्डर रद्द भएको पुष्टी गर्दै प्रक्रिया पूरा गरेर पु्नः आह्वान गरिने जनाएको छ । समितिले सोमबार एक सूचना प्रकाशन गर्दै टेण्डर रद्द गरिएको जनाएको हो । समितिले आइतबार अर्थात साउन १२ गतेको मितिमा गरिएको निर्णय अनुसार टेण्डर रद्द गरिएको समितिले जनाएको छ ।

बीमा समितिका अनुसार सार्वजनिक खरिद अनुगमन कार्यालयले ईओआईको प्रक्रिया पूरा गरेर मात्रै आरएमसी प्रक्रिया अनुसार टेण्डर आह्वान गर्नु पर्नेमा सिधैं टेण्डर आह्वान गरिएको कारण रद्द गरिएको हो ।

समितिले गत असार १६ र १८ गते सूचना प्रकाशित गरी आईआरएमआईएस सफ्टवेयर तथा सो को सर्भर जडानको लागि टेण्डर आह्वान गरेको थियो । सो टेण्डर रद्द गरिएपछि टेण्डर भरेकाहरुलाई समितिमा सम्पर्क गरी धरौटी रकम फिर्ता लिन भनेको छ ।

प्रतिक्रिया दिनुहोस्

सम्बन्धित समाचार