प्रुडेन्सियल इन्स्योरेन्सले साधारणसभा बोलाएको छ । इन्स्योरेन्स कम्पनीले भदौ १ गते आइतबार बिरगंजको दियालो लर्ड्स प्लाजामा साधारणसभा बोलाएको हो ।
इन्स्योरेन्स कम्पनीले साधारणसभा प्रयोजनको लागि साउन २० गतेदेखि बुक क्लोज गर्ने निर्णय गरेको छ । साउन १९ गतेसम्म कायम शेयरधनीले मात्र सभामा भाग लिन सक्ने छन् ।
एनएफआरएसको कारण जगेडा कोष तथा अन्य ब्यबस्था कायम गर्नु पर्ने भन्दै कम्पनीले लाभांश प्रस्ताव नगर्ने निर्णय गरेको छ ।
सभामा वित्तीय विवरण पारित गर्ने, लेखा परिक्षक नियुक्त गर्ने, निजको पारिश्रमिक तोक्ने, र संचालकको निर्वाचन गर्ने लगायतका एजेण्डा छन् ।
हाल इन्स्योरेन्स कम्पनीको चुक्ता पूँजी ६४ करोड १५ लाख २० हजार रहेको छ । कम्पनीले विशेष साधारणसभा बाट ६० प्रतिशत हकप्रद प्रस्ताव पारित गरेको छ । हकप्रद पश्चात कम्पनीको चुक्ता पूँजी १ अर्ब २ करोड ६४ लाख ३२ हजार हुनेछ ।
