नेको इन्स्योरेन्सले भदौ १४ गते २३ औं वार्षिक साधारण सभा गर्ने भएकोे छ । कम्पनीको शुक्रबार (साउन १० गते) बसेको सञ्चालक समितिको बैठकले गरेको े निर्णय अनुसार सभा गर्ने निर्णय गरेको हो ।
सभा प्रयोजनका लागि कम्पनीले भदौ ३ गतेदेखि भदौ १४ गतेसम्म बुक क्लोज गर्ने भएको छ । भदौ २ गतेसम्म कायम सेयरधनीले बोनस सुरक्षित गर्न सक्नेछन् ।
कम्पनीले गत वर्षको नाफाबाट १२ प्रतिशत बोनस र ०.६३ प्रतिशत नगद लाभांश (कर तिर्न) वितरण गर्न लागेको हो । १४ करोड ११ लाख ५३ हजार ४ सय ८ रुपैयाँ बराबरको बोनस वितरण हुनेछ ।
कर तिर्न ७४ लाख २९ हजार १२७ रुपैयाँ नगद छुट्याइएको छ । हाल कम्पनीको चुक्ता पुँजी १ अर्ब १७ करोड ६२ लाख ७८ हजार ४ सय रुपैयाँ छ । बोनस वितरणपछि चुक्ता पुँजी १ अर्ब ३१ करोड ७४ लाख ३१ हजार रुपैयाँ पुग्नेछ ।
