सिर्जना फाइनान्सले आर्थिक वर्ष २०७५ ७६ को चौथो त्रैमासमा १५ करोड ७३ लाख ३ हजार रुपैयाँ खुद नाफा कमाएको छ । गत आर्थिक वर्षको सोही अवधिको तुलनामा यस्तो नाफा २९ दशमलव ८७ प्रतिशतले बढी हो । गत वर्षको यसै अवधिमा कम्पनीले १२ करोड ११ लाख २३ हजार रुपैयाँ खुद नाफा कमाएको थियो ।
खुद व्याज आम्दानी
कम्पनीको खुद ब्याज आम्दानी गत आर्थिक वर्षको तुलनामा घटेको छ । आर्थिक वर्ष २०७५ ७६ को चौथो त्रैमासमा कम्पनीले १५ करोड ६३ लाख २९ हजार रुपैयाँ खुद व्याज आम्दानी गरेको छ । गत आर्थिक वर्षको सोही अवधिको तुलनामा यस्तो आम्दनी ३८ दशमलव ९७ प्रतिशतले घटेको छ । अघिल्लो वषको यसै अवधिमा कम्पनीले २५ करोड ६१ लाख ५३ हजार रुपैयाँ खुद ब्याज आम्दानी गरेको थियो ।
संचालन मुनाफा
आर्थिक वर्ष २०७५ ७६ मा कम्पनीको संचालन मुनाफामा बृद्धि गरेको छ । कम्पनीको सञ्चालन नाफा १९ करोड रुपैयाँबाट बढेर २४ करोड ७१ लाख ९१ हजार रुपैयाँ पुगेको छ । हाल सिर्जनाको चुक्ता पुँजी ४६ करोड ८ लाख १५ हजार रुपैयाँ छ । रिजर्भ कोषमा २५ करोड ९८ लाख ४५ हजार रुपैयाँ छ ।
निक्षेप तथा कर्जा प्रवाह
सिर्जना फाइनान्सले आर्थिक वर्ष २०७५ ७६ को चौथो त्रैमाससम्म ७ अर्ब १५ करोड २६ लाख रुपैयाँ निक्षेप संकलन गरी ४ अर्ब ८२ करोड ६२ लाख ५३ हजार रुपैयाँ कर्जा प्रवाह गरेको छ ।
सूचकहरु
कम्पनीले खराब कर्जा पनि सुधार गरेर ०.३४ प्रतिशतमा सीमित गरेकोे छ । अघिल्लो वर्ष खराब कर्जा १ दशमलव ३१ प्रतिशत रहेको थियो । सिर्जनाको कस्ट अफ फन्ड ९ दशमलव ३७ प्रतिशत र बेस रेट १२ दशमलव १२ प्रतिशत रहेको छ ।
त्यस्तै प्रतिसेयर आम्दानी ३४ रुपैयाँ १४ पैसा रहेको सिर्जनाको प्रतिसेयर नेटवर्थ १ सय ५६ रुपैयाँ ३९ पैसा छ ।
