गुराँस लाइफको ९० हजार कित्ता शेयर लिलामी भर्ने आज अन्तिम दिन

गुराँस लाइफ इन्स्योरेन्सको संस्थापक समूहको लिलामी सेयरमा बोलपत्र भर्ने आज अन्तिम रहेको छ । कम्पनीको ९० हजार ५ सय ७१ कित्ता संस्थापक शेयर लिलामी गर्न लागेको हो । कम्पनीले साउन ३ गतेदेखि लिलामी सेयर खुला गरेको हो ।

गुराँस लाइफले यसअघि असार ५ देखि २२ गतेसम्म सर्वसाधारणतर्फ ८२ हजार ५ कित्ता र संस्थापकतर्फ २ लाख ४० हजार ५७१ कित्ता सेयर लिलामीमा ल्याएको थियो । त्यसबेला संस्थापक समूहको सबै सेयर बिक्री नभएपछि बाँकी सेयर फेरि लिलामीमा ल्याइएको हो ।

उक्त लिलामी शेयर निष्काशन तथा बिक्री प्रबन्धक लक्ष्मी क्यापिटल मार्केट, नयाँ बानेश्वर काठमाडौंबाट पनि आवेदन दिन सकिनेछ ।

कम्पनीको संस्थापक सेयरमा सर्वसाधारण तथा संघसंस्थाहरुले पनि आवेदन दिन सक्नेछन् । न्यूनतम १०० रुपैयाँलाई आधार मानेर बोलपत्र पेश गर्नपर्नेछ । न्यूनतम १ हजारदेखि अधिकतम सबै कित्ताका लागि बोलपत्र पेश गर्न सकिनेछ ।

प्रतिक्रिया दिनुहोस्

सम्बन्धित समाचार