ग्लोबल आइएमई लघुवित्त वित्तीय संस्थाले आर्थिक वर्ष २०७५ /७६ को वित्तीय विवरण सार्वजनिक गरेको छ । लघुवित्तले चौथो त्रैमासम्मा ६ करोड ८० लाख ६७ हजार रुपैयाँ खुद नाफा कमाएको छ । यो नाफा अघिल्लो वर्षको सोहाी अवधिको तुलनामा ३ सय ३३ दशमलव २१ प्रतिशतले बढी हो । गत वर्षको यही त्रैमासमा १ करोड ५७ लाख १२ हजार रुपैयाँ मात्र खुद नाफा आर्जन गरेको थियो ।
यस्तै, कम्पनीले रिजर्भ कोष पनि ४ सय ३६ दशमलव ५० प्रतिशतले बढाएर ८ करोड २८ लाख ४१ हजार रुपैयाँ पुर्याउन सफल भएको छ । ग्लोबलको चुक्ता पुँजी पनि ७० प्रतिशतले बढेको छ । प्रतिसेयर आम्दानी ६१ रुपैयाँ ६२ पैसा रहेको ग्लोबलको प्रतिसेयर नेटवर्थ भने १ सय ७५ रुपैयाँ रहेको छ ।
लघुवित्तले साउन २१ गतेबाट १००% हकप्रद सेयर बिक्री खुला गर्दैछ । कम्पनीले प्रतिकित्ता १०० रुपैयाँ दरले १ः१ अनुपातमा ११ लाख ४ हजार ५ सय ७५ कित्ता हकप्रद सेयर बिक्री गर्न लागेको हो । यसमा असार ३१ गतेसम्म मात्र कायम सेयरधनीले आवेदन दिन सक्नेछन् । बिक्री प्रबन्धकको काम लक्ष्मी क्यापिटल मार्केटले गर्नेछ । हकप्रद बिक्री गरेपछि भने यसको चुक्ता पुँजी २२ करोड ९ लाख १५ हजार रुपैयाँ पुग्नेछ ।
हालसम्म लघुवित्तले ६३ वटा शाखा कार्यलय मार्फत आफ्ना ग्राहकहरुलाई लघुवित्त सेवा प्रदान गर्दै आएको छ । हालसम्म ४५ वटा जिल्लामा ७८ हजार ७ सय ५२ जनालाइई लघुवित्त सेवा प्रदान गर्दै आएको छ ।
