SKIP THIS

PCl

एलआइसी नेपालको ७०% लाभांश सुरक्षित गर्ने आज अन्तिम दिन

लाइफ इन्स्योरेन्स कर्पोरेसन (एलआइसी) नेपालको ७० प्रतिशत लाभांश सुरक्षित गर्ने आज (साउन ८ गते) अन्तिम दिन रहेको छ । कम्पनीले साउन २४ गते वार्षिक साधारण सभा गर्ने भएको छ । जसको लागि कम्पनीले बिहीबार (साउन ९ गते) देखि साधारण सभाको दिनसम्म बुक क्लोज गर्दैछ ।

यसर्थ, बुधबारसम्म कायम सेयरधनीले मात्र लाभांश पाउन सक्नेछन् । साधारण सभा नेपाल पुलिस क्लबको सभाहल, भृकुटीमण्डप काठमाडौंमा बिहान ९.३० बजे सुरु हुनेछ ।

कम्पनीले आर्थिक वर्ष २०७४/७५ को नाफाबाट ३४ दशमलव ४६ प्रतिशत बोनस सेयर र ३५ दशमलव ५४ प्रतिशत नगद लाभांश वितरण गर्न लागेको हो ।

त्यस्तै, सभाले सञ्चालक समितिमा एक जना स्वतन्त्र र कम्तीमा एक जना महिलासहित ६ जना सञ्चालक रहने गरी नियमावलीमा संशोधन गर्नेछ । प्रस्तावित बोनस सेयरपछि चुक्ता पुँजी २ अर्ब १ करोड रुपैयाँ पुग्नेछ ।

प्रतिक्रिया दिनुहोस्

सम्बन्धित समाचार