प्रभु बैंकले २ वटा खातामा औषधोपचार र दुर्घटना बीमा सुविधा संचालनमा ल्याएको छ । बैंकले निक्षेकर्ताहरुलाई अधिकतम लाभ प्रदान गर्ने उद्देश्यले साउन १ गतेदेखि प्रभू वेलकम र प्रभू स्यालरी सेभिङ्स बचत खाताहरुमा औषधोपचार र दुर्घटना बिमा सुविधा सञ्चालनमा ल्याएको हो ।
यो सुविधाको माध्यमबाट प्रभू वेलकम र प्रभू स्यालरी सेभिङ्स बचत खाता योजना अन्तर्गत हाल भइरहेका र भविष्यमा खोलिने खाताहरुमा निक्षेकर्ताहरुको औषधोपचार बीमा बापत ३ लाख र दुर्घटना बीमा बापत १० लाखसम्मको जोखिम बैंकले बहन गर्ने जनाएको छ ।
प्रभु बैंकले सञ्चालनमा ल्याएको यस बीमा सुबिधाले यी दुई बचत खाता योजना अन्तर्गत खाता हुने निक्षेप ग्राहकहरुले देशका बिभिन्न अस्पतालहरुमा भर्ना भई उपचार गर्नुपर्ने बिभिन्न १ सय ५० प्रकारका रोगहरुको उपचार पश्चात बीमा दावी गर्नसक्ने छन् ।
साथै, अकल्पनीय दुर्घटनाबाट हुनसक्ने मृत्यु बापतको राहात परिवारले बीमा दावी गरी लाभान्वित हुनसक्ने बैंकले जनाएको छ ।
