साताको दोस्रो दिन शेयर बजार सामान्य अंकले घटेको छ । नेप्से २.८६ अंकले घटेर १,२४२.०३ अंकको बिन्दुमा गएर कारोबार बन्द भएको छ । विकास बैक, हाइड्रोपावर कम्पनी, लाईफ इन्स्योरेन्स र उत्पादनमुलक बाहेक सबै उपसुचक घटेका छन् । सबैभन्दा धेरै होटल समुह १९ अंकले घटेको छ ।
दिनभरिमा १ सय ५९ कम्पनीको १२ लाख २१ हजार ४ सय कित्ता शेयर ५ हजार ९ सय ७१ पटक खरिदविक्री हुँदा ३७ करोड ४७ लाख २५ हजार ७५ रुपैयाँको कारोबार भएको छ । सबैभन्दा धेरै नेपाल बैंकको २ करोडमाथिको कारोबार भएको छ ।
त्यस्तै, प्रभु बैंक, सिवम् सिमेन्ट, एनआईसी एशिया बैंक, हिमालयन डिस्टीलरी, नेपाल लाईफ इन्स्योरेन्स प्रोमोटर शेयर, नेपाल इन्भेष्टमेन्ट बैंक, सानिमा बैंक र सिद्धार्थ बैंकको क्रमश १ करोडमाथिको कारोबार भएको छ ।
सिभिल लघुवित्त, अरुण भ्याली हाइड्रोपावर र स्वाभिमान लघुवित्तका शेयरधनीले सबैभन्दा धेरै ४ प्रतिशतका दरले कमाएका छन् भने मिथिला लघुवित्तका शेयरधनीले सबैभन्दा धेरै ४ प्रतिशतका दरले गुमाएका छन् ।
