नेपाल राष्ट्र बैंकले ५ वटा बैंक तथा वित्तीय संस्थालाई मर्जरमा जानका लागि अनुमति दिएको छ । राष्ट्र बैंकबाट २ वटा विकास बैंकले मर्जरमा जान अन्तिम स्वीकृति पाएका हुन् भने ३ वटा लघुवित्त वित्तीय संस्थाले सैद्धान्तिक सहमति पाएका हुन् ।
मर्जरमा जाने अन्तिम स्वीकृत पाएका विकास बैंकहरुमा सप्तकोशी डेभलपमेन्ट बैंक र कावेली विकास बैंक हुन् । त्यस्तै, राष्ट्र बैंकबाट सैद्धान्तिक सहमति प्राप्त गर्ने लघुवित्त वित्तीय संस्थाहरु रामा रोशन लघुवित्त, एनआरएन लघुवित्त र क्रिएटिभ लघुवित्त रहेका छन् ।
मर्जरमा जान अन्तिम स्वीकृत पाएका सप्तकोशीको चुक्ता पूँजी ५२ करोड ३७ लाख ६५ हजार रुरहेको छ भने काबेली विकास बैंकको चुक्ता पूँजी २८ करोड ४२ लाख ९७ हजार रुपैयाँ रहेको छ । यी दुई संस्था छिट्टै मर्जरमा जाने छन् ।
त्यसैगरी, सैद्धान्तिक सहमति पाएका लघुवित्त वित्तयि संस्थाले भने मर्जरका लागि आवश्यक बाँकी प्रक्रिया पुरा गरी अन्तिम स्वीकृतिका लागि राष्ट्र बैंकमा पुनः निवेदन गर्नेछन् ।
