सिटिजन लाइफ द्वारा मृत्यु दाबी रकम भुक्तानी

सिटिजन लाइफ इन्स्योरेन्स कम्पनी लिमिटेडले सिटिजन बाल भविष्य योजना अन्तर्गत मृत्यु दाबी भुक्त्तानी वापत ३ लाख रुपैंया रकम हस्तान्तरण गरेको छ ।

कम्पनीले बर्दिबासमा आयोजि एक कार्यक्रमको अवसरमा स्वर्गीय बीमित मिन बहादुर थापाकी श्रीमती भिम कुमारी थापा लाई उनका बीमित छोरीको हकमा उक्त्त रकम प्रदान गरेको हो ।

बर्दिबास नगरपालिकाका मिन बहादुर थापाकी धर्म पत्नी भिम कुमारी थापालाई प्रदेश सभाका माननीय सांसद शारदा थापा तथा बर्दिबास उद्योग वाणिज्य संघका अध्यक्ष प्रलाद क्षेत्रीले संयुक्त्त रुपमा बीमाङ्क रकम वापत रु २ लाख ५० हजार र काजक्रिया खर्च सुविधा अन्तर्गतको रु ५० हजार गरि जम्मा रु ३ लाखको चेक हस्तान्तरण गरेका हुन् ।

सिटिजन बाल भविष्य योजना अन्तर्गत प्रस्तावक मिन बहादुर थापाको मृत्यु पश्चात बीमित छोरी सुमना थापाले बीमाशुल्क नतिरिकनै बीमा १५ वर्ष सम्म मासिक रु २५०० को हिसाबले जम्मा रु ४ लाख ५० हजार साथै परिपक्व मितिमा थप बीमाङ्कको रु २ लाख ५० हजार र बोनस रकम प्राप्त गर्नेछन् ।

ग्राहक वर्गको सुरक्षा र निश्चिन्तताको लागि सिटिजन लाइफ इन्स्योरेन्स कम्पनीले नेपालमै पहिलो पटक ल्याएको सिटिजन जीवन सारथी र क्रिटिकल केयर प्लस जस्ता नवीन तथा नौलो योजनाहरुले ग्राहकहरुको मन जित्न सफल भएको छ ।

प्रतिक्रिया दिनुहोस्

सम्बन्धित समाचार