बीमा समितिले एकै पटक १० नयाँ जीवन बीमा कम्पनीलाई संचालन अनुमति दिए संगै बजारमा विभिन्न प्रकारका बहस चल्न थालिसकेको थियो । नयाँ बीमा कम्पनीको आगमन संगै पुरानाको व्यापार घट्ने वा पुराना बीमा कम्पनीको अघि नयाँ टिक्न नसक्ने जस्ता टिका टिप्पणीले ठुलै बहस सिर्जना गरेको अवस्था थियो ।
केही समय पश्चात बजारमा फरक दृश्य देखियो । नयाँ र पुराना बीमा कम्पनी एक अर्काका प्रतिष्पर्धी भन्दा पनि उनीहरु नयाँ बजार खोज्न थाले फलस्वरूप नयाँ जीवन बीमा कम्पनीहरु संगै पुराना जीवन बीमा कम्पनी व्यापार बढ्दै गएको देखिन्छ ।
आर्थिक वर्ष ७५/७६को दोश्रो त्रैमास र आर्थिक वर्ष ७४/७५ को दोश्रो त्रैमास बीच तुलना गर्दा
जीवन बीमा कम्पनीको प्रमुख सूचांक मध्यको एक जीवन बीमा कोष हो र पुराना ७ जीवन बीमा कम्पनीको जीवन बीमा कोष औसतमा २७ प्रतिशतले वृद्धि भएको छ । सूर्या लाईफ इन्स्योरेन्सले आफ्नो जीवन बीमा कोष सबै भन्दा धेरै ४५ प्रतिशतले वृद्धि गर्न सफल भएको छ ।
सबै भन्दा धेरै जीवन बीमा कोष भएको नेपाल लाईफ इन्स्योरेन्सको जीवन बीमा कोष २४ प्रतिशतले वृद्धि भएको छ ।
त्यस्तै पुराना जीवन बीमा कम्पनीहरुको बीमा शुल्क आर्जन रकममा पनि राम्रो सुधार देखिएको छ । कुल बीमा शुल्क आर्जन रकम ३५ प्रतिशतले वृद्धि भएको छ भने खुद बीमा शुल्क आर्जन रकम पनि ३७ प्रतिशतले वृद्धि देखिएको छ ।
नेपाल लाईफ इन्स्योरेन्सले आफ्नो बीमा शुल्क आर्जन रकम सबै भन्दा धेरै ४७ प्रतिशतले वृद्धि गर्न सफल भएको छ ।
