SKIP THIS

PCL

नेपाल इन्स्योरेन्सको कुल बीमाशुल्क आर्जन ४९ प्रतिशतले बढ्यो, कम्पनीको खुद नाफमा ७१ प्रतिशतको वृद्धि

नेपाल इन्स्योरेन्स कम्पनीको चालु आर्थिक वर्ष २०७५/७६ को दोस्रो त्रैमासको अवधिमा कुल बीमाशूल्क आर्जन ४९ प्रतिशतले बढेको छ । गत आवको त्रैमास सम्ममा कम्पनीले ३८ करोड १९ लाख ७४ हजार रुपैयाँ कुल बीमाशुल्क आर्जन गरेको थियो । यस आवको दोस्रो त्रैमासको अवधिमा कम्पनीले ५६ करोड ९९ लाख ७४ हजार रुपैयाँ कुल बीमाशूल्क आर्जन गर्न सफल भएको छ ।

कम्पनीले प्रकाशन गरेको गत आवको दोस्रो त्रैमासको वित्तीय विवरण अनुसार कम्पनीमा ३० हजार ५९ बीमालेख कायम रहेका थिए । यो आवको सोही अवसधमा कम्पनीमा ७१ हजार ९६ बीमालेख कायम रहेका छन् ।

यस्तै कम्पनीले यो आवको त्रैमास सम्ममा १७ करोड २३ लाख ४ हजार रुपैयाँ दाबी भुक्तानी गरेको छ । १ अर्ब १३ करोड ४५ लाख ४० हजार रुपैयाँ दाबी भुक्तानी हुन बाँकी रहेको छ । अघिल्लो आवको सोही अवधिमा कम्पनीले ११ करोड ९३ लाख ८३ हजार रुपैयाँ दाबी भुक्तानी गरेको थियो । कम्पनीले ९ सय २८ दाबीको भुक्तानी गरेको छ । यस्तै कम्पनीले १ हजार ९ सय २३ वटा दाबीको भुक्तानी गरेको छैन् ।

कम्पनीको जगेडा कोष २७ करोड ३६ लाख ८ हजार रुपैयाँ रहेको छ । चुक्ता पूँजी ६१ करोड ७६ लाख ३९ हजार रुपैयाँ रहेको छ ।

चालु आवको दोस्रो त्रैमासको अवधिमा कम्पनीले ७ करोड ३२ लाख ३४ हजार रुपैयाँ खुद नाफा कमाएको छ । यो नाफा अघिल्लो अघिल्लो आवको तुलनामा ७१। २० प्रतिशतले बढी हो । गत आवको सोही अवधिमा कम्पनीले ४ करोड २७ लाख ७६ हजार रुपैयाँ खुद नाफा कमाएको थियो ।

कम्पनीको प्रतिशेयर आम्दानी ११ रुपैयाँ ८६ पैसा रहेको छ । प्रतिशेयर नेटवर्थ १८१ रुपैयाँ ७७ पैसा रहेको छ ।

प्रतिक्रिया दिनुहोस्

सम्बन्धित समाचार