आशा लघुवित्तले माघ १८ देखि साधारण शेयर निष्काशन गर्ने

आशा लघुवित्त वित्तीय संस्था लिमिटेडले माघ १८ गतेदेखि साधारण सेयर (आईपीओ) निष्कासन गर्ने भएको छ । संस्थाले ६ करोड ७४ लाख रुपैयाँ बराबरको ६ लाख ७४ हजार कित्ता आईपीओ निष्कासन गर्ने भएको हो ।

कुल ६ लाख ७४ हजार कित्ता मध्ये १० हजार ३७० कित्ता कर्मचारी र ३३ हजार ७०० कित्ता सामूहिक लगानी कोषहरुलाई सुरक्षित गरिएको संस्थाले जनाएको छ । बाँकी ६ लाख २९ हजार ९३० कित्ता शेयरमा सर्वसाधारणले आवेदन दिन पाउने छन् ।

आईपीओ निष्कासन बन्द छिटोमा माघ २२ र ढिलोमा फागुन १९ गतेसम्म तोकिएको निष्कासन तथा बिक्री प्रवन्धक प्रभु क्यापिटल लिमिटेडले जनाएको छ । आईपीओ न्युनतम १० देखि अधिकतम ३ हजार ३७० कित्तासम्म भर्न पाइने छ ।

प्रतिक्रिया दिनुहोस्

सम्बन्धित समाचार