५ कम्पनीको बोनस पछिको शेयर मूल्य समायोजन

Citizen Life Insurance Co

नेपाल स्टक एक्सचेञ्जमा आज पाँच कम्पनीहरुको बोनस पछि शेयरमूल्य समायोजन भएको छ ।

नेप्समा मंगलबार सिटिजन्स बैंक इन्टरनेशनल, सांग्रिला डेभलपमेन्ट बैंक, नेपाल कम्युनिटी डेभलपमेन्ट बैंक, समीट माइक्रोफाइनान्स र हाइड्रोईलेक्ट्रीसिटी इन्भेष्टमेन्ट एण्ड डेभलपमेन्ट कम्पनीले वितरण गरेका बोनस पश्चात पाँच कम्पनीको शेयरमूल्य समायोजन भएको हो ।

सिटिजन्स बैंक इन्टरनेशनलको ३.६ प्रतिशत बोनस सेयर पछिको मूल्य समायोजन भएको छ । ३.६ प्रतिशत बोनस सेयर समायोजन पछि बैंकको शेयरमूल्य २ सय १० रुपैयाँ ४२ पैसा कायम भएको छ । औषत आधार मूल्य ३ सय २ रुपैयाँ २१ पैसा कायम रहेको छ ।

त्यस्तै सांग्रिला डेभलपमेन्ट बैंकको ४ प्रतिशत बोनस सेयर पछि मूल्य समायोजन भएको छ । ४ प्रतिशत बोनस सेयर समायोजन पछि कम्पनीको शेयरमूल्य १ सय ४३ रुपैयाँ २७ पैसा कायम भएको छ । बैंकको औषत आधार मूल्य १ सय ८६ रुपैयाँ १३ पैसा कायम रहेको छ ।

यसैगरि नेपाल कम्युनिटि डेभलपमेन्ट बैंकको १ प्रतिशत बोनस सेयर पछि मूल्य समायोजन भएको छ । १ प्रतिशत बोनस सेयर समायोजन पछि बैंकको शेयर मूल्य १ सय २० रुपैयाँ ७९ पैसा कायम भएको छ । जसको औषत आधार मूल्य १ सय ७४ रुपैयाँ ४० पैसा कायम रहेको छ ।

समिट माइक्रोफाइनान्सको २३.५३ प्रतिशत बोनस सेयर पछि मूल्य समायोजन भएको छ । बोनस सेयर समायोजन पछि फाइनान्सको शेयरमूल्य ७ सय ३९ रुपैयाँ ९० पैसा कायम भएको छ । औषत आधार मूल्य १ हजार १ सय ५७ रुपैयाँ ९५ पैसा कायम रहेको छ ।

यस्तै हाइड्रोईलेक्ट्रीसिटि इन्भेष्टमेन्ट एण्ड डेभलपमेन्ट कम्पनीको १० प्रतिशत बोनस सेयर पछिको मूल्य समायोजन भएको छ । १० प्रतिशत बोनस सेयर मूल्य समायोजन पछि कम्पनीको शेयर मूल्य १ सय ५४ रुपैयाँ ५५ पैसा कायम भएको जसको औषत आधार मूल्य १ सय २७ रुपैयाँ २७ पैसा कायम रहेको छ ।

प्रतिक्रिया दिनुहोस्

सम्बन्धित समाचार