नेपाल स्टक एक्सचेञ्ज नेप्सेले आईतबार एकै पटक ६ कम्पनीहरुको सेयर मूल्य समायोजन गरेको छ ।
ग्लोवल आइएमई बैंकको १६ प्रतिशत बोनस सेयर पछि मूल्य समायोजन भएको छ । बैंकको बोनस सेयरपछि समायोजित मूल्य प्रतिकित्ता २७९ रुपैयाँ ३१ पैसा कायम भएको छ । औसत आधार मूल्य भने ३ सय ३४ रुपैयाँ १६ पैसा छ ।
यस्तै फरवार्ड कम्युनिटी माइक्रोफाइनान्सको २५ प्रतिशत बोनस सेयर पछि मूल्य समायोजन भएको छ । बैंकको बोनस पछिसमायोजित सेयर मूल्य १ हजार ४ सय ८७ रुपैयाँ २० पैसा कायम भएको छ । औसत आधार मूल्य भने १ हजार २ सय ८१ रुपैयाँ ९४ पैसा रहेको छ ।
काबेली विकास बैंकको ३५ प्रतिशत बोनस सेयर पछिको मूल्य समायोजन भएको छ । बैंकको ३५ प्रतिशत बोनस सेयर पछि समायोजित मूल्य २ सय ४० रुपैयाँ ७४ पैसा कायम भएको छ । औषत आधार मूल्य ३ सय ६१ रुपैयाँ ८७ पैसा कायम रहेको छ ।
आरएसडीसी लघुवित्त वित्तीय संस्थाको १० प्रतिशत बोनस सेयर पछिको मूल्य समायोजन भएको छ । कम्पनीको १० प्रतिशत बोनस सेयरपछि समायोजित मूल्य ३ सय ९८ रुपैयाँ १८ पैसा कायम भएको छ । यसको औसत आधार मूल्य ५८९ रुपैयाँ ७८ पैसा रहेको छ ।
एनएमबि माइक्रोफाइनान्स वित्तीय संस्थाको १५ प्रतिशत बोनस सेयर पछिको मूल्य समायोजन भएको छ । बोनस सेयर मूल्य समायोजन पछि कम्पनीको शेयर मूल्य ११ सय ६१ रुपैयाँ ७५ पैसा कायम भएको छ । यसको औसत आधार मूल्य १ हजार ३ सय ९ रुपैयाँ ३७ पैसा रहेको छ ।
सिर्जना फाइनान्सको १५ प्रतिशत बोनस सेयरमा पनि मूल्य समायोजन भएको छ । १५ प्रतिशत बोनस सेयरपछि कम्पनीको समायोजित मूल्य २ सय ३२ रुपैयाँ १७ पैसा कायम भएको छ । यसको आधार मूल्य २ सय ८० रुपैयाँ ९ पैसा रहेको छ ।
