सानिमा लाईफले ल्यायो ७० प्रतिशत बोनस ग्यारेण्टी सहितको योजना

सानिमा लाइफ इन्स्योरेन्सले पहिलो वर्ष पूरा गरेको अवसरमा ७० प्रतिशत बोनस ग्यारेन्टी सहित नयाँ योजना सार्वजनिक गरेका छ । सानिमा लाईफ इन्स्योरेन्को नयाँ बीमा योजना सानिमा जीवन श्री सञ्चालक समितिका अध्यक्ष कुमार प्रसाद कोइरालाद्धारा सार्वजनिक गरिएको थियो ।


कम्पनीले १५ लाख रुपैयाँको न्युनतम बिमाङ्क योजनामा प्रतिहजार वार्षिक ७० रुपैयाँ बोनस दिने बताएको छ । १० देखि २५ वर्षको अवधिमा बिमा गर्दा सबैले प्रतिहजार वार्षिक ७० रुपैयाँ बोनस दिने जानकारी कम्पनीले दिएको छ । त्यसका लागि बिमाकर्ता १६ वर्षदेखि ७० वर्ष उमेर समूहको हुन पर्ने कम्पनीको बिमा पोलिसिमा उल्लेख छ ।
कम्पनीले सञ्चालनमा आएको पहिलो वार्षिकोत्सवमा अनलाईनको माध्यमबाट बिमा योजना खरिद गर्न सक्ने व्यवस्था समेत मिलाएको छ । जुन योजना खरिद गरेको केही घन्टाभित्र देखि नै लागू हुने बताएको छ । यस योजनाले जीवन बीमाको क्षेत्रमा ग्राहकहरुका लागि उत्कृष्ट आर्थिक तथा बचत योजना सावित हुने कम्पनीको विश्वास कम्पनीले लिएको छ ।

एक वर्षको अवधिमा कम्पनीले कूल ७ हजार ३ सय ३२ बीमालेखबाट १९ करोड रुपैयाँ प्रिमियम संकलन गरेको छ । देशभरमा यसको २५ शाखा कार्यालयहरु रहेको सानिमाले हालसम्म ८ ओटा बीमा योजनाहरु जारी गरेका छन् । कम्पनीको अधिकृत पूँजी ३ अर्ब, जारी पूँजी २ अर्ब र चुक्ता पूँजी १ अर्ब ४० करोड रूपैयाँ छ ।

प्रतिक्रिया दिनुहोस्

सम्बन्धित समाचार