नेप्से ८ अंकले बढेर १२४९ को विन्दुमा, कारोवार रकम २३ करोड २८ लाख

नेप्से परिसूचक साताको चौथो दिन ८ दशमलव ०९ अङ्कले बढेर १२४९ दशमलव ९३ अङ्कमा बन्द भएको छ । कारोबार रकम २३ करोड २८ लाख रुपैयाँ पुगेको छ ।

सबै क्षेत्रको परिसुचकमा वृद्धि आएको छ । सबै भन्दा धेरै होटल क्षेत्रको परिसुचक ३ दशमलव ८ प्रतिशतले वृद्धि भएको छ ।
सबैभन्दा धेरै प्रभु बैंक लिमिटेडको ३ करोड ३७ लाख बराबरको शेयर किनबेच भयो ।

सबै भन्दा धेरै पञ्चकन्या माई हाईड्रोपावरको सेयरमा ५ दशमलव ८३ प्रतिशतको वृद्धि देखियो भने सबै भन्दा धेरै सेञ्चुरी कर्मसियल बैंकको शेयर ५ दशमलव ०६ प्रतिशतले घट्न पुग्यो ।

निर्जीवन बीमा कम्पनीको उपसुचक १ दशमलव १२ प्रतिशतले बढेको छ भने ५ हजार ७ सय ४६ रुपैँया को बिन्दुमा कारोबार बन्द भएको छ । यसै गरी जीवन बीमा कम्पनीको उपसूचक ० दशमलव ४८ प्रतिशतले बढेर ५ हजार ५ सय ७५ को बिन्दुमा बन्द भएको छ ।

आज दिनभरिमा निर्जीवन बिमा कम्पनीहरूको १ करोड ७५ लाख बराबरको कारोबार भएको छ , भने जीवन बीमा कम्पनीहरूको १ करोड १६ लाख बराबरको कारोबार भएको छ ।
निर्जीवन र जीवन बीमाको उपसुचकमा वृद्धि आएको छ ।

प्रतिक्रिया दिनुहोस्

सम्बन्धित समाचार