काठमाडौं । ग्लोबल आईएमई लघुवित्तले गत बर्षको मुनाफाबााट आफ्ना शेयरधनीलाई वितरण गर्ने लाभांश प्रस्ताव गरेको छ । कम्पनी संचालक समितिको साउन ३० गते बसेको ८१ औँ बैठकको निर्णय बमोजिम हाल कायम रहेको चुक्ता पूँजीको १५ प्रतिशत बोनस वितरण गर्ने प्रस्ताव गरेको हो ।
साथै बोनसमा लाग्ने कर प्रयोजनार्थ ७ लाख ५८ हजार २८९ रुपैयाँ बराबरको नगद लाभांश वितरण गरिने पनि कम्पनीले जनाएको छ । लघुवित्तले प्रस्ताव गरेको बोनस राष्ट्र बैंकबाट स्वीकृती भएर लघुवित्तको आगामी साधारण सभाले पारित गरेपश्चात मात्र सेयरधनीलार्इ वितरण हुनेछ ।
लघुवित्तको हालको चुक्ता पूँजी ९ करोड ६० लाख ५० हजार छ । लघुवित्तले एक करोड ४४ लाख ७ हजार ५ सय रुपैयाँ बराबरको बोनस वितरण गर्नेछ ।
ग्लोबल आईएमई लघुवित्त ग्लोबल आईएमई बैंकको सहायक कम्पनी हो।
