आईएमई जनरल इन्स्योरेन्सको नाफा १६ करोड ८७ लाख , प्रतिशेयर आम्दानी ३१ रुपैयाँ

काठमाडौं । आईएमई जनरल इन्स्योरेन्स कम्पनी लिमिटेडको गत आर्थिक वर्ष ०७४/०७५ मा १६ करोड ८७ लाख रुपैयाँ खुदनाफा गरेको छ । अघिल्लो आर्थिक वर्षमा ८ करोड ३२ लाख रुपैयाँ मात्र नाफा गरेको थियो ।

कम्पनीले आफनो व्यवसाय ४५ प्रतिशत वृद्धि गरेर १ अर्ब रुपैयाँ बढी बीमा शुल्क आर्जन गरेको छ । अघिल्लो वर्ष ६९ करोड ४९ लाख रुपैयाँ मात्र बीमा शुल्क आर्जन गरेको थियो । २७ करोड ७२ लाख रुपैयाँ दावी भुत्तानी गर्न बाँकी रहेको कम्पनीले जनाएको छ ।

नाफा बढेपछि कम्पनीको प्रतिसेयर आम्दानी बढेर ३१ रुपैयाँ २५ पैसा पुगेको छ । प्रतिसेयर नेटवर्थ १५४ रुपैयाँ पुगेको कम्पनीले बिहीबार सार्वजनिक गरेको गत आर्थिक वर्षको अपरिष्कृत वित्तीय विवरणमा उल्लेख छ ।

५४ करोड रुपैंया चुक्ता पूँजी रहेको इन्स्योरेन्सको उल्लेखित ८० प्रतशित हकप्रद शेयरको निष्काशन पश्चात चुक्ता पूँजी ९७ करोड २0 लाख रुपैंया पुग्नेछ । बीमा समितिले तोकेको निर्जीवन बीमा कम्पनीको एक अर्ब चुक्ता पूँजी पुर्याउन इन्स्योरेन्सले २ करोड ८० लाख रुपैंया बराबरको बोनस बितरण गर्नु पर्ने हुन्छ।

प्रतिक्रिया दिनुहोस्

सम्बन्धित समाचार