काठमाडौ, बैदेशिक रोजगार म्यादी जीवन बीमा अन्र्तगत औषधीउपचार बापत निर्जीवन बीमा कम्पनीहरुले १ करोड ५० लाख रुपैयाँ दाबी भुक्तानी गरेका छन् । बीमा समितिको तथ्यांक अनुसार विगत तीन बर्षको अवधिमा कम्पनीहरुमा औषधी उपचारका लागी २१९ वटा दाबी परेको छ ।
तथ्यांक अनुसार आर्थिक बर्ष २०७२/७३ मा ७९ वटा औषधीउपचारको दाबी परेको थियो । जसबापत कम्पनीहरुले २९ लाख ८० रुपैयाँ बीमाशुल्क भुक्तानी गरेका थिए । त्यस्तै, आव २०७३/७४ मा कम्पनीहरुमा ७१ वटा दाबी परेको थियो । जसबापत कम्पनीहरुले ४८ लाख ३८ हजार रुपैयाँ बीमाशुल्क भुक्तानी गरेका थिए । आव २०७४/७५ को चैत्रमसान्तसम्ममा भने कम्पनीहरुमा ६९ वटा दाबी परेको छ । जस बापत कम्पनीहरुले ७२ लाख ६८ हजार रुपैयाँ बीमाशुल्क भुक्तानी गरेका छन् ।
कम्पनीहरुमा परेको यो दाबी र भुक्तानी रकम बढ्न सक्ने समितिको अनुमान छ । कतिपय विमितको दाबी आउन बाँकी रहेको र दाबी आएर कतिपय दाबी भुक्तानीको प्रक्रियामा रहेको छन् ।
विगत तिन बर्षको औषधीउपचार बापतको दाबी संख्या र विवरण (गत आवको चैतसम्मको)
गत आवको चैत्र महिनामा भने घातक रोग बापत ८ वटा मात्रै दाबी परेको छ । जसबापत कम्पनीहरुले ४० लाख रुपैयाँ भुक्तानी गरेका छन् । अघिल्लो आवमा भने जम्मा ३ वटा मात्रै दाबी परेको थियो । जसबापत कम्पनीहरुले ११ लाख ५० हजार रुपैयाँ भुक्तानी गरि सकेका छन् ।
अन्य औषधी उपचारको लागी गत आवमा ६६ वटा दाबी परेको थियो । जस बापत कम्पनीहरुले ३२ लाख ६८ हजार रुपैयाँ भुक्तानी गरेका छन् । अघिल्लो आवमा परेको ६८ वटा दाबीको कम्पनीहरुले ३६ लाख ८८ हजार रुपैयाँ भुक्तानी गरेका छन् । आव २०७२/७३ मा भने ७९ वटा दाबी परेको थियो ।
