सूर्या लाइफको साउन १६ देखि ७४ हजार कित्ता शेयर लिलामीमा

सूर्या लाइफ इन्स्योरेन्स कम्पनी लिमिटेडले ७४ हजार ३८४ कित्ता शेयर लिलामीमा बिक्री गर्ने भएको छ । यो कम्पनीले गत बैशाख ३१ देखि असार ३ गतेसम्म बिक्री खुला गरेको हकप्रद शेयरमा आवेदन नपरेको शेयरलाई लिलामीबाट बेच्न लागेको हो । कम्पनीले संस्थापक समूहतर्फको ३ हजार २८९ र सर्वसाधारण समूहतर्फको ७१ हजार ९५ कित्ता शेयर बिक्री गर्ने भएको छ ।

कम्पनीको लिलामी शेयरको न्युनतम मूल्य प्रतिकित्ता एक सय रुपैयाँमा तोकिएको छ । यसको शेयर आवेदनका लागि एनआईसी एसिया क्यापिटल लिमिटेड बबर महल र बिमा कम्पनीको काठमाडौं उपत्यका बाहिरका कार्यालयबाट आवेदन दिन सकिने छ । यो बिमा कम्पनीको प्रति कित्ता शेयर नेप्सेमा पछिल्लो पटक ५८५ रुपैयाँमा कारोबार भइरहेको छ ।

प्रतिक्रिया दिनुहोस्

सम्बन्धित समाचार