इन्स्योरेन्स खबर/काठमाडौं: पञ्चकन्या माई हाईड्रोपावरले साउन १ गते देखि आइपिओ बिक्री खुला गरेको थियो । कम्पनीले साउन १ गतेदेखि कर्मचारी र सामूहिक लगानी कोषलाई छुट्टाएर सर्वसाधारणका लागि १०० रुपैयाँ अंकित मूल्यमा १० लाख एक हजार कित्ता सेयर निष्काशन गरेको थियो। पञ्चकन्या माई हाइड्रोपावरको आइपीओमा १ लाख ४५ हजार जना लगानीकर्ताले आवेदन दिएका छन् ।बिहीबार बेलुकासम्म ६७ करोड रुपैयाँ बराबरको आवेदन परेकोमा शुक्रबार कार्यालय समयसम्म यो आइपीओमा १ अर्ब रुपैयाँ बराबरको १ करोड कित्ताका लागि आवेदन परेको छ । यो आवेदन माग भन्दा ९.९९ गुणा धेरै हो ।पञ्चकन्याको आइपीओमा माग भन्दा धेरै आवेदन परेपछि शुक्रबार (साउन ४ गते) नै यसको बिक्री बन्द भएको छ ।
पञ्चकन्या माई हाइड्रोपावरले साउन १ गतेदेखि ११ करोड रुपैयाँ बराबरको ११ लाख कित्ता आइपीओ बिक्री खुला गरेको हो ।कम्पनीले क्रेडिट रेटिङ ४ पाएको थियो । यसमध्ये ४४ हजार (४%) कित्ता कम्पनीका कर्मचारी र ५५ हजार कित्ता (५%) सामूहिक लगानी कोषलाई छुट्याइएको छ । बाँकी १० लाख १ हजार कित्ता सर्वसाधारणलाई बिक्री खुला गरिएको हो । पञ्चकन्याको हाल जारी पुँजी १ अर्ब १० करोड रुपैयाँ र चुक्ता पुँजी ९९ करोड रुपैयाँ छ ।
